IT狗2.0 仲有一個星期就上，於是早排二刷咗IT狗。

套劇好睇嘅地方係有幾多呢行嘅inside joke，鳩得嚟又好認真，個個都做得好好，特別係阿信、Tony、Cathy Ho、Marcus、Lou.

雖然 tech 同 startup 嘅嘢啱唔得晒，不過作為一套劇啲嘢都啱咗七成足見團隊用心做足 research. ❤️

套劇勁嘅地方就係成本預言書咁，四年前已經講 AGI、Gen AI (AI George)。2022年頭播，11月尾出咗ChatGPT。

作為一個做過 startup 又搞過 startup 嘅過來人，睇翻套劇真係笑中有淚。

自己又係讀大學嗰陣俾人當怪人、一心想令到個世界美好啲嘅傻仔。

同阿信唔同嘅係冇咁多錢燒、冇幾個 top tier 又嫌錢腥嘅隊友。

特別係尾二嗰集同阿信去食 startup 餐。燒晒成副身家但街客唔欣賞嗰種難受真係睇到眼濕濕。 😢

本人就係pitch完台北市政府 funding 然後因為太創新輸咗比做到爛嘅平台 idea 加 COVID 兩年輸晒要重新黎過嘅例子。

仲有最尾一集阿信話香港唔係冇技術，香港叻人好多，但奈何個環境對做實事嘅人唔友善。

有幸早排同導演有過一面之緣，祝 IT 狗 2.0 收視爆紅！ 🎉